Solèy
Lè
nonm
ki la rélé anmwé
Anba kout sab a lanmizè
Ké arèsté kriyé
Pou krévé fon a zôrèy an mwen
Lè
zyé an mwen
Ki ka gadé san vwè
Ké vwè
Koulè blé
Kon lanmè
Koulè blan
Kon rôb a lanmayé
Koulè rouj
Kon flanm a difé
Ki ka lyanné èvè tout dôt koulè
Mé pa èvè yo menm yo menm tou sèl
Lè
bouch
an mwen ké pé palé
Apré y
las rèsté fèmé
Lè
lodè a
lanmaré ki ka monté
Ké
bokanté
Evè lodè
a bonm lakrimogèn
Paré pou
toufé nou
Lé
men an
mwen
Lè dé pyé
an mwen
Lè kô an
mwen
Lè nanm an mwen
Ké sèten
yo fin pa touvé libèté
Alôs
É
amomanlasa tousèl
Mwen ké
chanté
Bèlté a
péyi-la.
Alain Phoebé Caprice
|
