|
Tikoze santiman
Yo ekri gwo liv filozofi
yo
pale koze grandèt doubsoudoub
gwo koze gradoub moun save
pou lavironndede ladetant lespri
2
Mwen ekri ti liv pwezi
mwen
mwen di tout sa mwen santi
nan zantray mwen
nan nannan mwen
3
Mwen ekri ti liv pwezi
mwen
mwen di tout sa mwen santi
nan trip mwen
nan nanm mwen
4
Mwen ekri ti liv pwezi
mwen
mwen di tout sa mwen santi
nan fon kè mwen
nan tout kò mwen
5
Lodè grenn kafe kap
mi
lodè pyemango kap fleri
lodè flèdizè kap louvri
lodè pafen sou jenn demwazèl
6
Lodè chodyè
tchaka kap bouyi
lodè kwenn kochon nan pwa kongo
lodè mayi vèt kap boukannen
lodè piman vèt nan sòs kalalou kongo
Edner saint Amour
20/06/06
|
